पानं पान

पानं पान

बळजबरीनेच माझी

ह्या नविन खोलीत

रवानगी झाली होती

जुने माझे काही 

पुस्तक मित्रे 

होते सोबती

आजुबाजुला होती 

'खाटे' वरती 

राहणारी पाच सहा जण

छोट्याच या खोलीत

कमीत कमी गरजेच्या 

'वॉकर' सारख्या होत्या काही गोष्टी

लहरीपणा हा पावसाचा

एकदा न कळत शिरला

आमच्या ह्या महाली

धावपळ एकच झाली

आम्हा वाचवण्याची

त्या मालकाची

मला वाचवताना

मी ओरडत तळमळत होतो

माझ्या पुस्तक मित्रांसाठी

आवाज माझा विरला

दुसऱ्या खाटेवरती

सुरक्षीत हलवले आम्हाला

आमच्या त्या खोलीत आता

पावसाचे पाणी 

ओसरत होते हळुहळू

लांबुनच पाहिले

पाण्या वर तरंगत होत्या खाटा, वॉकर आणि

माझ्या पुस्तक मित्रांचे वेगळे झालेले पानंन पानं

व्यथित मनाने पहात राहीलो

माझ्या पुस्तक मित्रांचे तरंगते

'पानं पान'