ओली झाली घरं

ओली झाली घरं

वाळत कुठे टाकायची

चिमुकल्याला पडला प्रश्न

विचारत होता आईला

आई जवळ उत्तर नव्हतं

आकाशाकडे ती एकटक पाहात होती

चिमुकल्याला वाटलं

ती सुर्याकडे पाहात होती

सूर्य काही दिसेना

नुसत्याच धारा लागल्या आकाशाला

आई सांग ना गं 

कोणी मारलं सुर्याला

रडतो कधीचा तो इतका

रडून रडून त्याच्या डोळ्यातून

इतके का गं पाणी

आकाशातून जमिनीवर कोसळले

आई सांग त्याच्या आईला

थांबवा त्याचे रडणे

दुध भाताचा नैवद्य दाखवू

करू त्याची नित्य सेवा

ओली झाली घरं

थांबव तुझे रडणे आता

दाखव तुझे तळपते दर्शन

त्याने वाळेल आमचे घरं