नवा उपक्रम
नवा उपक्रम
एक तर करोनाने
बिघडवले सारे वातावरण
त्यातच तोंडावर
आलाय दिवाळीचा सण
यंदा करू या आपण
उपक्रम नवा
गरिबांना वाटू या
तूप साखर रवा
आनंदाला पण वाटून घेऊ
त्यांच्याकडे पण बनू दे
दिवाळीचा गोड खाऊ
कोरोनाच्या रुग्णांना होतो
श्वास घ्यायला त्रास
या वर्षी करू या बंद फटाके
त्यांच्याकरता खास
मोठ्या आवाजाच्या फटाक्यांना
प्राणी पक्षी घाबरतात
उपाशीतापाशी बिचारे
कोठेतरी लपून बसतात
साऱ्या सृष्टीचा विचार करू
पशूपक्ष्यांना सुरक्षित राखू
त्यांचाही विचार करू थोडा
जीवाशी जीवाचे नाते
फक्त प्रेमाने जोडा
त्यांनाही आहे अधिकार
सुरक्षित जगण्याचा
माणसा रे माणसा
विचार कर स्वतःच्या
वागण्याचा
तुझ्याच वागण्यामुळे
आले संकट कोरोनाचे
आता तरी हो शहाणा
घे मंत्र जगण्याचे