नोकरी
नोकरी
1 min
240
शोधतो काम मी दिवसा रात्रो ही
मागतो काम मी पाठवूनी मेल ही
पदव्या जड माझ्या फिरतो घेवूनी
झिजवतो जोडे रोज रोज चालूनी
मुलाखती देवूनी थकलो किती तरी
दूर तरी कर्मभूमी दूर ती नोकरी
बेकारीचे दुःख हे फिरतो घेवूनी
कंठ असा दाटतो आसवे गाळूनी
ओठ शुष्क झाले विनवूनी बोलूनी
उरले आता मुखी परी नाम ते ईश्वरी
भेटेल का नोकरी पुजुनी अर्चूनी ?
की करू खुशामती पुढारी गाठूनी ?
गुणवत्ता असूनही यश नसे जीवनी
नकाराचा खेळ हा दावशी कुठवरी ?