नैसर्गिक संकट

भारी संकट हे आलं 

कोकणाला रडवले

काल चक्रीवादळाने

झाडं खाली लोळवले.......//1//

समुद्रही खवळला

कशा लाटा उसळल्या

येवूनिया किनाऱ्याला

धडधडा आदळल्या.......//2//

काय तुफान हे आलं

मन घाबरूनी गेलं

कसं हापूस आंब्याचं

भारी नुकसान केलं........//3//

झाडे पडली तुटून

किती छप्पर उडाले

एका चक्रीवादळाने

किती भयभीत झाले......//4//

वीज झाली ही खंडित

खांब पडलेत खाली

नैसर्गिक संकटाला

जनताही वैतागली........//5//

कोरोनाच्या संकटाने   

देश नाही सावरला           

चक्रीवादळाने पुन्हा

भारी डंखच मारला......//6//