नाती जन्मजन्मांतरीची

अवघड प्रसवाच्या

वेदनांनी विव्हळूनी

माता जन्म देई बाळा

मुखी तेज उजळूनी

नाते ते सहोदराचे

रक्तानेच जोडलेले

सुखदुःख वाटलेले

आयुष्यास वाहिलेले

नाते परममित्राचे

घट्ट असे रक्ताहूनी

संकटात धावतसे

नातेवाईकाहूनही

नाते मोठ्या बहिणीचे

सौख्यप्रेम फुलविते

कष्ट त्याग सोसूनही

भावंडांना सुखविते

नाती ही जन्मांतरीची

येती विविध रुपांनी

भाग्यवान तेच जगी

बद्ध ह्या घट्ट नात्यांनी