लाइब्रेरी
प्रोफाइल
नाते मैत्रीचे...
नाते मैत्रीचे...
1 min
210
बालपणीचा काळ निरागस
मैत्रीच्या गट्टीतच जमला
भेदाभेद नसे जेथे कदापी
अशा सवंगड्यातच रमला
सवंगड्यास घेऊनी
रानोमाळी हिंडताना
मन हरवले निरागस
झाड, फुले वेचतांना
मस्तीचे मग चढते डोंगर
सहज हिंडलो अनवाणी
स्वप्नांच्या दुनियेतील सफारी
असो नदीचे खळखळ पाणी
बैसूनी निवांत झाडाखाली
एकमेकांशी गप्पा रंगे
गरीबीची ना आम्हास चिंता
मैत्रीच्या दुनियेतील राजा संगे
मैत्री निरागस अशीच देवा
जीवनात या दरवळू दे रे
सुख-दुःखाला मैत्रीचा खांदा
मन मोकळे करण्या मिळू दे रे
