नाळ जोडली मातीशी

सेवा करितो देशाची, नाळ जोडली मातीशी,

मोहपाश झुगारूनी, करी झुंज दुश्मनाशी//१//

वीर जवान देशाचा, प्राण अर्पितो देशाला,

अभिमान दाटे उरी, करू सलाम कार्याला//२//

सीमेवर जरी उभा, नाळ जोडली मातीशी,

घरदार नातीगोती, सदा आशिष पाठीशी//३//

नाळ भारत मातेशी, मनी जपली वीरांनी,

ऐकूनिया शौर्यगाथा, छाती फुलते गर्वानी//४//

असो किती दूर कुणी, नाळ जोडली मातीशी,

ऋण फेडण्या मातीचे, पुण्य बांधतो गाठीशी//५//