नागपंचमी
नागपंचमी
श्रावण शुद्ध पंचमीला
नागपूजा असे प्रचारात
करून कालियाचा पराभव
यमुना नदीच्या पात्रात ||
श्रावण महिन्यातील
असे पहिला हा सण
नागपंचमीला असे
सर्वात पहिला मान ||
सण असे माहेरवासिणीचा
बांधुनी झाडाला हिंदोळे
झोके घेते स्त्रिया, मुली
गाणी, उखाण्यांनी मन मोकळे ||
नाग, सापांची उपयुक्तता
सांभाळी हरितक्रांतीचे धुरा
धामण पाळा धान्य वाढवा
नागपंचमी साजरी करा ||
जाऊ वारुळाला पुजायला
मानूनिया नागाला भाऊ
नैवेद्य कडी,दुधाचा दाखवू
वाहुनिया लाह्यांचा खाऊ ||
श्रावण मासा आला
सणांच्या उत्साहाचा
निसर्गाचे रक्षण करुनी
वसा घेऊन जपण्याचा ||