घोंगडी

परंपरा भारताची

संस्कृतीची असे खाणं

पावित्रही घोंगडीचे

महाराष्ट्राचीच शान ||

धनगर माझा पेशा

मेंढ्या राखीतो माळाला

असे धनाचा आगार

 भार असतो रानाला ||

काठी हातात असती

काळी घोंगडी पाठीला

लावी कपाळी भंडारा

सूर लावितो गाण्याला ||

रामबाण उपयोगी

आरोग्यासाठीही छान

उब,आराम मिळतो

उन्हाळ्यात असे मान ||

साप,विंचू,किडे,मुंगी

त्याच्या परी येत नसे

अंथरून,पांघरूण

 सर्वांच्याच मनी वसे ||