मुखवट्यांचे जग

मुखवट्यांचे जग इथले

वागणे सदा नकली

हसणे इथले फसवे

दुःखही ना हृदयस्पर्शी  (1)

भीकेसाठी पुढे करिती

मुले दुस-यांचीच

कशी दयाबुद्धी यावी?

फसवणूक सत्याचीच  (2)

श्रीमंतीही खोटी इथली

खोटा मांडिती देखावा

का हव्यास एवढा

श्रीमंतीचा हवा ?   (3)

कुड्या हि-यांच्या असूनही

रांगेत गरीबांच्या

येती गाडीमधूनी

घेण्यास वस्तू गरजूंच्या  (4)

असली नकली फसवे

का मुखवटे घालावे?

आहोत आपण तसे

का न कुणी ओळखावे?  (5)