🪴मृदगंध मातीचा🪴

काळया कुट्ट ढगांनी

भरले तुडुंब गगन

रिमझिम सरींची उधळण

चिंब चिंब केले तन मन  !!१!!

पाना फुलानी सजले

लता वृक्ष ते बहरले

गंध तो सुगंध मृदेचा

अंतर प्रफुल्लित झाले !!२!!

हिरव्यागार तृणांकूराणे 

बहरली ही अवणी

घेत निरोप आषाढ आता

गालीच्या अंथरला श्रावणी !!३!!

खग,विहंग किलबिलाट करितो

ताण आळवितो सुरेल

प्राजक्ता वर झोके घेतो

स्वच्छंदी तो फिरेल  !!४!!

सोनचाफा ही डौलाने

डोलत आहे अंगणी

मधुमालती ध्वज फडकुणी

चढून गेली बाल्कनी   !!५!!

सतरंग उधळण इंद्रधनूची

निर्मिली सुंदर कमान

रंग भरल्या सृष्टीची

असे बरे ती शान.  !!६!!