लाइब्रेरी
प्रोफाइल
मराठी
मराठी
1 min
136
कधी रांगते कधी सांगते गाथा शौर्याची
कधी गाजते कधी वाजते जणु तोफ राजमाची
कधी मवाळ कधी वेल्हाळ लेखणीतुनी झरते
कधी वर्षते कधी हर्षते मन्मनी उत्स्फूर्त बहरते
कधी नितळ कधी खळखळ पाण्यासम वाहते
कधी आव्हान कधी तहान शुभ्र दुधाची भासते
कधी अंगार कधी शृंगार जणु शोभते माल्हन
कधी मंदार कधी गंधार रुणझुणते पैंजण
कधी गुंजते श्वासांतुन कधी शब्द-समशेरी ओठी
झंकारते स्वप्न राज्याचे जिथे स्वर रुळती 'मराठी'
