रमताना आठवणींत
रमताना आठवणींत
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
303
कोण म्हणतं आठवणी फक्त मनातच साठतात
कधी अचानकच जुन्या वळणावर ही त्या भेटतात
कधी ओळखीच्या सुवासानेही त्या दरवळतात
तर कधी एखाद्या चवीमुळे जिभेवर ही रेंगाळतात
कधी जुन्या गाण्यामधून थेट मनाला येऊन भिडतात
तर कधी एखाद्या स्पर्शातून देखील जाणवतात
कधी बरसू लागतात पावसाच्या थेंबातून
तर कधी हाती लागतात पुस्तकातील जाळीदार पानातून
वर्तमान विसरायला लावतात नी थेट भूतकाळातच नेतात
इतक्या काळाने भेटल्याने मनाला हूरहूरच लावतात
फक्त एखादी गोष्ट ही पुरते आठवणींचा क्रम सुरू व्हायला
मन तर अधीरच असते त्यांनाही सामावून घ्यायला