मी कवी झुरणारा....

• मी कवी हा झुरणारा वाहणारा आसवे....
• चाललो मी कोण गावी वाट कुठली नाकळे ...
• उगमती जे शब्द मजला भावनांची पाखरे...
•  ध्येय त्यांचे उंच तरीही पंख का हे कापरे...
• कधी प्रयत्न फसत जाती संघर्षाचे स्पर्शणयाचे चांदणे...
• काय चुकल्या का मिळाल्या वेदना साऱ्या नव्या... कधी नकोसा त्रस्त वाटे सागराचा तीर तो....
• कधी मनाच्या वेदनांचा आसरा तो वाटतो...
•  मी कवी हा झुरणारा वेचणारा शब्द तो....
• तेच घेऊनी धावणारा मुक्त कागद मी असे...
• ना कधी मज कोण बांधे चौकटीचा पिंजरा....
• मावते माझ्या मनी अथांगही मोठी धरा....
• थेंब थेंब मिळता ते पाट वाहू लागती,न्हाऊन ही चिंब का मन माझे कोरडे...
• मी कवी वेड्या मनाचा एक वेड घुंगरू, ऐकताना नाद माझाच हृदय लागे पोखरू....
• मी कवी झुरणारा पेलणारा दुःख ते,वाकलेल्या या कण्याचा मीच वैरी भासतो...