महापुर

आल्या सरीवर सरी 

पडे पाऊस बेफाम

अवलिया पावसाला

कोणी घालावा लगाम

पात्र नदीचे भरता

आला आला महापुर

सारे पाण्यात वाहून

डोळ्याआड गेले दूर

झाली जीविताची हानी

जिथे तिथे हाहाकार 

हात मदतीचे येता

बुडत्याचा तो आधार

झाले होत्याचे नव्हते 

कुठे मागावी हो दाद

माझे तुझे ना राहीले 

सारा संपलाच वाद

धडा शिकवी पाऊस

जेंव्हा होते अतिवृष्टी 

करा आपत्ती व्यवस्था

ठेवा नित्य दुरदृष्टी