लाइब्रेरी
प्रोफाइल
महामारी
महामारी
1 min
196
साथ देत एकमेकां
जीणं टुकीचं चाललं
पोरं गेली दूरवर
एकमेकां सांभाळलं (१)
कोरोनाची महामारी
धनी पडलं आजारी
सेवा दिन रात करी
देवा तूच कृपा करी (२)
नाही उघडलं डोळं
आज सकाळपासून
घोर लागला मनाला
वाट नर्सची बघून (३)
दवापाणी चालू हाये
बरा व्हायचा तो कधी?
कधी ताप हटायचा?
शंका येते मनामधी (४)
करी मन शांत स्थिर
विनविते मनोभावे
औक्ष माझिया धन्याला
देवा उदंड लाभावे (५)
