मैत्रीचे बंधन

मैत्रीचे बंधन
रिमझिम पडती पाऊस धारा
 सोबतीला हा गार वारा
 छत्रीची घेऊन साथ चालत होती
 ती चीमूकली एक वाट//१//
वाटेत भेटला तिला
 नवीन एक सखा
 होता तो गोजिरवाना 
 बदक अनोळखा//२//
गोंडस असणारी ती पोर
 मायेच्या धाग्याने विणला
 तिने त्या बदकाशी 
प्रेमाचा दोर//३//
पाण्याने तुडुंब भरलेले 
छोटेसे ते डबके
 उमटत होते त्यात 
आनंदाचे ठिपके//४//
ना शब्दांची गरज, 
 ना भाषेचा कुठला संबंध
चालता चालताच जुळले
 हे मैत्रीचे अनोखे बंधन//५//