सुखाचा शोध

सुखाचा शोध
एखाद्या गरीबाच्या ओठावर 
तुमच्यामुळे येणार हसू
 म्हणजे सुख //१//
घराच्या अंगणात 
आपल्या आवडत्या 
व्यक्ती सोबत बसून 
तासंतास गप्पा करणे 
म्हणजे सुख //२//
एखाद्या चिमुकल्याला
 त्याची आवडती 
वस्तू मिळाली की
 त्याच्या चेहऱ्यावर 
दिसणारा आनंद 
म्हणजे सुख//३//
 एखाद्या संकटात 
अडकलेल्या प्राण्याला 
सोडवल्यानंतर 
त्या प्राण्याची हालचाल 
म्हणजे सुख //४//
सुख म्हणजे 
आपल्याच मनाचा खेळ 
मानल तर आहे 
नाहीतर नाही//५//
 पैशाच्या ढिगार्‍यात 
सुख नाही तर 
रोज आवडीप्रमाणे जगणे
 म्हणजे सुख //६//
सुखाला शोधत बसू नका 
त्याला जगा 
कारण ते आपल्या
 मानण्यावर आहे //७//
✍️कविता सचिन रोहणे 
सातारा, महाराष्ट्र