मायेचा घास

घरट्यांत पक्ष्यांची पिल्ले

इवलीशी चोच उघडती

पक्षी पक्षिणी पिल्लांना

चिमण घास भरवती | |१| |

‌

पिलांवर त्यांची असते

अगदीच अनोखी माया |

ध्यास उरी ठेऊन जणू

झिजवत राहतात काया | |२| |

इवल्याश्या चोचीत प्रायासानं

मायेचा घेऊन चिमण घास |

भरवतात प्रेमाने हळूवारपणे

इवल्या गोजिरवाण्या पिलांस | |३| |

ये भरते प्रेमाचे सर्वांस पाहून

वाटते अप्रूप आपल्या मनास |

मुकं प्रेम मुक्या पाखरांचे पाहून 

संवादहिन तरीही साहचर्य पणास | |४| |

आई-बाबा समर्पित पिल्लांना

मानवाचे असो वा पाखरांचे |

भरवतात प्रेमाने चिमणचारा

वेडी माया अन् लाड लेकरांचे | |५ | |