माऊली

मनी ध्यानी चिंती |मुखी नाम हरी  |  

नित्य जप करी || वैकुंठीचे  ||1||

आस दुजी नाही | चन्द्रभागा तिरी  | 

माऊलीच्या दारी  | भेट व्हावी   ||2||

डोळा नित्य वसे   ! नीज रुप तूझे  !!

 चित्त हरे माझे |  दर्शनाने  !!3!!

वैष्णवांचा राजा ! नांदे पंढरपूरी !!

निर्गुणा धावरी  ! हाकेपाठी  !!4!!

खेळ सरू झाला ! मैत्रअसा लाभला !!

भेदाभेद गळला ! हरिहर  !!5!!

सुखा नांदे धरा ! विष्णूची ति छाया !!

 पंढरीची साया !  विठूराया !!6!!

आषाढी कर्तिकी ! मेळा या राऊळी !!

भेटीला माऊली  ! जीव लागी  !!7!!

येता राऊळीसी ! सांगे माऊलीसी !!

डावलू नकोसी ! अंतरीये  !!8!!

कलयूगी नसे ! चित्त स्थिर कसे !!

नाम मुखी असे !  समाधानी  !!9!!

असा देव संत ! दिव्यतेचा स्त्रोत !!

भाग्य ऊजाळत !  दर्शनाने  !!10!!

लाभो तुझी छाया  !  आभाळची माया !! 

भर उन्हातया   !  तू सावली   !!11!!

आलो तुझ्या दारी  ! भाव आलोचनी !!

 माऊली लोचनी ! तू पांडूरंगा  !!12!!