माणूस म्हणून जगताना

जन्म आणि मृत्यू हा तर 

आयुष्याचा असतो भाग , 

ज्याचा त्याचा असतो प्रश्न 

कुणाशी करावं प्रेम अन् राग !!

माणूस म्हणून जगताना 

माणुसकी सोडू नये , 

विचारात असेल जरी दुरावा 

पण कुणाचे मन मोडू नये !!

गरजूना करावी मदत 

एकमेकांना द्यावी साथ , 

प्रेमानं रहावं साऱ्यांशी 

घालूनी हाती हात !!

आली किती संकट तरी 

मनानं खंबीर रहायचं असतं , 

संकटांना तोंड देताना 

मुळीच घाबरायचं नसतं !!

माणूस म्हणून जगताना 

ठेवावे उच्च विचार , 

प्रेम द्यावं प्रेम घ्यावं 

बंधू-भाव मनी आचार !!