अंतरीचे भाव

गेलीस सोडून मजला तू

उधळून टाकलास डाव , 

नाही कळले कधी तुला 

माझ्या अंतरीचे भाव !! 

लोकांनी कान भरले तुझे 

बदनाम केलं माझं नाव , 

इज्जत काढली घराण्याची

गावातून हाकलून लावलं राव !! 

प्रेम होतं खरंच़ माझं 

कुठलाच़ नव्हता तो बनाव , 

किती त्रागा झाला मजला 

पाहिलेसही नाही हावभाव !! 

मला कधीच नव्हती गं

तुझ्या शरीराची हावं ,

माझं फक्त इतकंच होतं 

की तुझं प्रेम मला मिळावं !! 

म्हणूनच़ म्हंटल आज तुझ्या 

विरहात मी कविता रचावं , 

कारण नाहीच़ कळले कधी तुला 

माझ्या अंतरीचे भाव !!