माणुसकी मरायला हवी...........

घे कापून गळा मानवतेचा

माणुसकी मरायला हवी

धर्म जात करत जगू आपण

परंपरा ही चालायला हवी

अजून होतील मतभेद देशात

स्वार्थी राजनीतीचा जिथे पाया

एक तुपाशी एक उपाशी जगतो

याच लफडयाची सारी ही माया

चला बघूया माणूस जगतो किती

की मरते माणुसकी त्या आधी

मी ही याच तमाशाचा एक हिस्सा

मी ही तर मरेनच कधी ना कधी

समता बंधुता अशी जगणार नाही

अश्याने कुणाचे जमणार नाही

चला मोडुया मनगटी माणुसकीची

जातीचं लफडं असं सरणार नाही