माझ्या मनातील स्वातंत्र्यदिन

दिवाळी दसऱ्यापेक्षाही महान

वाटतो मला स्वातंत्र्याचा सण

असंख्य वीरांनी केले बलिदान

नेत्रांनी पाहिला आजचा हा दिन 

या सणाला नसतो 

लाडू पेढा शेव चिवडा

समोर झळकतो

स्वातंत्र्याचा तिरंगा झेंडा

नाही होत या सणाला 

लक्ष्मी मातेचे पूजन

राष्ट्रगीत म्हणुुनी 

करितो भारत मातेचे वंदन 

नाही वाजत या सणााला

सुरसुरी फुलझाडे फटाके

वाजती स्वातंत्र्याची स्फूर्ती गीते

ऐकून मनाला बसती चटके

नाही भेटत या सणाला

रक्ताची नाती गोती

आपोआपच जमा होतात

माणुसकीच्या भेटी