लाइब्रेरी
प्रोफाइल
माझ्या मनाचे आभाळ
माझ्या मनाचे आभाळ
1 min
294
माझ्या मनाचे आभाळ
येती सरींवर सरी
मिसळती किरणांची
लड तयात सोनेरी
फुले डौलामधे धनू
रंग खुलती अंबरी
मिळे धरेला अंबर
मन खुलते अंतरी
माझ्या मनाच्या आभाळी
येती काळ्या घनमाला
मोर फुलवी पिसारा
मोद होतसे मनाला
माझ्या मनाच्या आभाळी
ज्वालाग्राही तप्त झळा
मन पोळतसे माझे
दुःख वेदनांच्या कळा
असे मनाचे आभाळ
कधी हसते रडते
आसू हसूंचा संगम
हेच जीवन असते
