माझ्या बालचिमुकल्यांनो..
माझ्या बालचिमुकल्यांनो..
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
माझ्या बालचिमुकल्यांनो...
तुम्ही एवढे करावे..
शाळेत दररोज येऊन
अभ्यासाचे धडे गिरवावे..
ज्ञानाच्या अथांग सागरात
अक्षरे-शब्द माळूनी..
शिकुनी-सज्ञानी होऊनी
इतरांस ज्ञान द्यावे...
माझ्या बालचिमुकल्यांनो...
स्वार्थी आभासी दुनियेत
माणुसकीचा धडा गिरवूनी..
यशस्वी जीवनाचे सूत्र
तुम्ही येथे शिकावे...
माझ्या बालचिमुकल्यांनो...
हृदयी-मनाच्या गाभाऱ्यात
ममता-प्रेम बाळगूनी..
दीन-दुबळ्या वंचितांना
मदतीचे हात द्यावे..
माझ्या बालचिमुकल्यांनो...
आपल्या सवंगड्यांच्या
हातात हात घालुनी..
आनंदाचे गीत तुम्ही
नित्य येथे गावे..