माझी शाळा
माझी शाळा
शिक्षणाचा ध्यास होता
शाळा माझी श्वास होता
खाकी चड्डी, पांढरा शर्ट
क्षण तेव्हा खास होता
मधली सुट्टी झाली जेव्हा
मित्रांच्या डब्यातला घास होता
खुप यायचा पाऊस जेव्हा
शाळा बुडवायचा चान्स होता
शिक्षणाची वाढली गोडी
शिक्षकांचा खंबीर तास होता
झाला उशीर शाळेला की
हाताला छडीचा त्रास होता
निकाल आमचा लागे जेव्हा
कुणी ढकलपास पास होता
शाळेने मज दिला आधार
जेव्हा अडचणींचा फास होता
शिकून चांगला माणूस झालो
लाभला शिक्षकांचा सहवास होता