राहुन गेले

मायेच्या कुशीत निजायचे राहुन गेले   

ममतेच्या धारेत भिजायचे राहुन गेले

मी शोधतो तुला आजूबाजूलाच अजुन  

उच्चार शब्द 'आई' ओठातच राहुन गेले

झेलले दुःख,वादळांना एकटाच असता   

आधार तुला होताना पहायचे राहुन गेले

चुकलो काही वाटा जीवनात चालताना  

थोडे तुझे मलाही सावरायचे राहुन गेले

जातो कधी खचुन, मनास चाळताना   

दुःख ते मनाचे तुला सांगायचे राहुन गेले

गेली अशी दुर तु ते फुल उमलताना   

डोळे भरून तुला बघायचे राहुन गेले