व्यक्त झालो मी ही जेव्हा
व्यक्त झालो मी ही जेव्हा
खोटे वागणे मला कधी जमले नाही
मी कसा हे दुनियेस कधी कळले नाही
करून पाहिली सुख दुःखांची गोळा बेरीज
तरी आयुष्याचे गणित कधी जुळले नाही
सावलीसम ती असते सोबत म्हणुनी
आठवणींनी तिच्या कधी छळले नाही
कश्यास चिंता करतो इतकी मित्रा
मैत्रीमधे रुसवे फुगवे कधी टळले नाही
व्यक्त झालो मीही जेव्हा कवितेमधूनी
घाव मनाचे पुन्हा कधी भळभळले नाही