माझी आई

काळोख्या आंधारातही

अनवाणी चालायला शिकलो होतो

चांदण्यांची निश्वार्थ साथ होती

माझी आई माझ्या सोबत होती 

बाईच्या हातात हात धरून

आईचा आ तर शिकलो

आ पासूनचा आत्मसन्मान 

शिकवायला आई सोबत होती

जिवणाच्या वाटेवर अडखळलो

पडलो, धडपडलो विश्वास गमावलो

संपल सगळ वाटत असताना 

अचानक आईची सावली दिसली

आ पासूनचा आत्मविश्वास मिळवायला

माझी आई माझ्या सोबत होती.

समाजानेही खुप छळ केला

बदणामीचा तर कहरच केला

पण पाठीवरती विश्वासाची थाप होती

माझी आई माझ्या सोबत होती

नादान रोपट्याचा वॄक्ष झालो

माणूसतर झालो माणुसकी शिकलो

अफाट संकटांवर मात करत गेलो

खंबीरपणे उभा रहात होतो

माझ्यासाठी जळणारी दिव्याची वात होती 

हे जग सुखाने पाहू शकलो

कारण माझी आई माझ्या सोबत होती