माझे घर...

*************************

  प्रेमाचे नाते घट्ट इतके

  माझे घर माझा परिवार,

  जगण्यास देते अतूट बळ

  स्वप्नांना देऊनिया आकार...

  राग, द्वेष, भांडण-तंटा इथेच

  निर्माण मनामनांत होई,

  क्षणभर पुन्हा विसरून सारे

  स्वच्छ नात्याचा आरसा होई..

  सुख-दुःखाची घडी येता

  हात प्रेमाने सदा भरलेला,

  प्रसंगात हरेक विश्वासाचा

  मौक्तीक सहज लाभलेला...

  जिव्हाळ्याची गाणी ओठी

  माया,ममतेचा झरा वाहतो,

  माझं घर, माझा परिवार

  जगण्यास नवसंजीवनी देतो..

  ताण-तणाव बाजूस सारून

 रडगाणे आपण विसरून जाऊ,

  हक्काचे हे मंदिर जीवापाड

  हसण्या-खिदळण्याने सजवू..

  जीवनाच्या प्रवासात एकच

  आनंददायी स्थान लाभावे,

  प्रेमाच्या शृंगाराचा साज त्यास

  जन्मोजन्मी सदा फुलावे...

🙏🙏🙏🌷🌷🙏🙏🙏