माझे बालपण

बालपणीच पोटासाठी

सोडली शाळा पाटी

हसण्याच्या बागडण्याचा

वयात उचलली ओझी

पोती उचलताना आठवली

आजारी आई बहीण भुकेली

त्यासाठीच बालपणी केली

मोल मजुरी

राहिलो अनपढ आनाडी

कधी पुसली मोटर गाडी

हॉटेलमध्ये धुतली भांडी

कधी पुसली फरशी

खोखो कबड्डी लंगडी कंचे क्रिकेट

लपाछपी पतंग उडवणे

हे बालपणीचे सर्व खेळ

यांच्याशी माझा जमला नाही मेळ

बाल दिन साजरा करतात

सर्व लहान बालके

मी मात्र दुकानात

मारत होतो फडके