लागू महामारीच्या पाठी

हाती घेऊनी मोठी काठी

लागूया महामारीच्या पाठी

जवळ करुनी स्वच्छतेला

पळवुनी लावू रोगाला !

आता गाफिल ना राहणे

मनी धरु दृढ धोरणे

रोगाचे उच्चाटन करणे

बांधूनी आरोग्य तोरणे !

नको पचापचा थुंकणे

आवश्यक तितुके ची बोलणे

मुखाला वस्त्राने झाकणे

नेटके अंतर पण राखणे !

करुया मनाशी संकल्प

नकोत अफवा विकल्प

नको जारण मारण वशीकरण

करुया सारे लसीकरण !

अमोल जान ही केवढी

धरु नका मनात अढी

करा मदत आता तेवढी

उभारा सहकार्याची गुढी !