कविता..लिहिताना...!

कविता लिहिताना

अवघड शब्द

माझी गोची करतात

नको त्या वळणावर

उगाचच मुद्दाम

गर्दी करतात

कधी कधी

शत्रू बनून

रुसून बसतात

कधी कधी तर

मैत्रीचं सोंग घेऊन

माझी फिरकी घेतात

आज साऱ्यांनाच

मी धडा

शिकवायचं ठरवलं

एकाही अवघड शब्दाला

कवितेत घ्यायचं नाही

हे पक्के केलं

आणि

काय चमत्कार बघा

सारे अवघड शब्द

बाजूला राहून पाहू लागले

पहाता पहाता

कवितेचे रूप साकारताना

तोंडात बोट घालून उभे राहिले

कविता हसली माझी

तिला खूप आनंद झाला

कवितेचा सोपस्कार पार पडला....!