कसं बांधू मी माझं घर
कसं बांधू मी माझं घर
काबाडकष्ट करायचे
राब राब राबायचे
तरी मी बेघर
कसं बांधू मी माझं घर||१||
जागांचे भाव केवढ्याने वाढले
पगार मात्र आहे तिथे थांबले
त्यातच कोरोनाचा सुरू होता वावर
कसं बांधू मी माझं घर||२||
घरचं भाडं भरताना येतात नाकीनऊ
मुलांसाठी कुठून आणू खेळणी आणि खाऊ
सगळ्याचेच गगनाला भिडले दर
कसं बांधू मी माझं घर||३||
नाही कोणाशी ओळख पाळख
नाही कोणाचा आधार
माझं छोटंसं स्वप्न कसं
होईल साकार
कोणाला देऊ दोष,कोणावर फोडू खापर
कसं बांधू मी माझं घर||४||
पुढचं चित्र पण कठीणच भासतेय
निराशेचे वातावरण आजूबाजूला दाटतय
शेवटपर्यंत मनात राहील ही सल
कधीच बांधणार नाही का मी घर||५||