भावाची आठवण

सासरी राहून बहीण

काढते भावाची आठवण

लहानपणीच्या गमती जमती

सुख दुःखाचे अनेक क्षण

एकत्र वाढलो

एकत्र खेळलो

एकमेकांची घेतली बाजू

तर कधी एकमेकांवर चिडलो

भावासाठी राखी घेताना

खूप गम्मत वाटायची

त्याच्या कडून काय भेट मिळेल

याची उत्सुकता असायची

प्रत्यक्ष भेट नाही

राखी पाठवते टपालाने

फोन लावते भावाला

विचारपूस करते आपुलकीने

सणाच्या दिवशी भाऊ

जरी समोर नसेल

आहे विश्वास संकटात

तो मदतीला नक्की हजर असेल