आनंदाने जगू या

नको कुणाचा द्वेष

नको कुणाचा मत्सर

योग्यतेची प्रशंसा करू या

आनंदाने जगूया||१||

जे कोणी असतील गरीब, लाचार

त्यांना देऊ आपण आधार

एकेमकांची मदत करू या

आनंदाने जगू या||२||

नको भांडण तंटा

नकोत उगाचच कुरापती

एकमेकांना समजून घेऊ या

आनंदाने जगू या||३||

निसर्ग भरभरून देतो दान

त्याचा राखू या सन्मान

पर्यावरणाचे रक्षण करू या

आनंदाने जगू या||४||

देशासाठी किती ते झिजले

कित्येकांनी प्राण त्यागले

एकोप्याने राहू या

आनंदाने जगू या||५||