कशी झाली फजिती

बलरामला आली लहर

अहो त्याने केला हो कहर

दोन बायका फजिती ऐका

परस्त्रीवर वक्र नजर  (१)

चक्क पळून गेला शहरी

लॉजवर राहे बादशाही

अळिमिळी गुपचिळी सारी

आयतं जेवण विश्रामही (२)

"जाईल कसा बघतेच मी"

कंबर कसली बायकोनी

शोधला लॉज हिकमतीनी

रुमपाशी कैदाशिणीवाणी (३)

अंगावर धावे वसकन्

झिंज्याच ओढल्या खसकन्

बलरामाची दातखिळीच

बसली सवत मटकन् (४)

दादल्याला बाहेर काढला 

फरफटत घरी आणला

अद्दल घडे बलरामला

दोन बायका नकोच मला