कस चाललय तुझ

कोणी विचारला प्रश्न,कस चाललय तुझ?

तर सगळ कस मस्त असत 

पण रोज नवीन समस्येने

मन मात्र त्रस्त असत //१//ओठ बनतात पडदा खोट्या आशेचा 

पण डोळे देतात पुरावा खऱ्या स्थितीचा //२//

लाख प्रश्न मनात काहूर माजवतात

किती खोटं अजून जगायचं रोज मला विचारतात //३//

कुठून देऊ उत्तर मलाच काही ठाऊक नाही 

किती केल प्रयत्न तरी मन ही भाऊक राही//४//

मग बुद्धी देते उत्तर तिच्या परीने

पण आयुष्य नाही ना ओ चालत फक्तं व्यवहाराने//५//

देवाणघेवाण असली भावनांची तरी त्यात हिशोब राहत नाही 

आणि माझ माझ म्हणता काहीच हाती उरत नाही //६//

मग पुन्हा रात्री जेव्हा डोकं टेकवते

शांत झोपेसाठी मग तग मग करते //७// 

समाधान शोध .अस कुठे तरी वाचलं होत

जीवन जगण्याच हेच एक तंत्र हे कळून चुकल होत //८//

रोज गर्दीत सुख शोधत होते 

पण समाधान जवळच होत हे मात्र जरा उशिराच कळलं होत //९//

मग काय , साराच कस सोन्याहून पिवळ होत 

आणि मस्त चाललय आमचं हे ही तितकंच खर होत //१०//