लाइब्रेरी
प्रोफाइल
कृतघ्नता
कृतघ्नता
1 min
379
अंगी असावा कृतज्ञतेचा भाव
तेव्हाच होई जगी चांगले नाव
कृतज्ञ करी कळत नकळत उपकार
सदैव फेडत राही परोपकार
नसे उपकाराची जाण
कृतघ्न विसरी कृतज्ञतेचे भान
कृतघ्न बनी चिंतेचा विषय
समजत नाही कुठलाच आशय
माणूस असे समाजप्रिय व्यक्ती
कसे चालेल बाळगून कृतघ्नतेची नीती
कृतघ्न जाणी फक्त गोड बोलायचे
कळे कसे काम करून घ्यायचे
कृतघ्न म्हणजे लबाड, मतलबी
मिरवीत फिरे जगात खोटी छबी
प्रत्येक गोष्टीत असते सौंदर्य
काम झाले तरी टिकवावे औदार्य
आईवडिलांची करावी सेवा निरंतर
कृतघ्न होऊन देऊ नये अंतर
कृतघ्नतेवर वेळीच आळा घालावा
सदाचाराचा नेहमीच अवलंब करावा
प्रत्येक कृतीत दिसावी दया, कृतज्ञता
कपटी भाव, असू नये कृतघ्नता
