Library
कोरोना विषाणू
कोरोना विषाणू
कोरोनाने जग सारे, झाले आहे ठप्प
देव कसा बसला आहे, मूग गिळून गप्प !
मंदिर-मस्जिद-चर्च-गुरुद्वारे, सारे झाले बंद
ईश्वरानेच केले मानवासी, त्याची दारे बंद !
रेल्वे-विमान-जहाज-बस, सारे ताफा बंद
पशु-पक्षी-प्राणी झाले, कोरोनाने स्वच्छंद !
कोरोनाने झाले नातेवाईक-बहीण-भाऊ त्रस्त।
कोणालाच ठेवले नाही, त्याने जगण्याचे शस्त्र !
कोरोनाने ठेवले मानवाला, स्वतःतच व्यस्त
जगण्यासाठी त्याला केले, घरातच बंदिस्त !
कोरोनाने पाहिले नाही, गोर-गरीब-श्रीमंत
लहान-थोर सर्वांनाच केले, त्याने वेष्टनात बंद !
कोरोनात दिसला खरा, मानवातला देव
डॉक्टराला देव मानून, केला त्याचा जय !
कोरोनाने केले सर्व, नातलग दूर।
स्मशानात गाडायाला, आले पालिकेचे दूत !
मानवाने निसर्गाची, केली दारे बंद।
म्हणूनच ईश्वराने केला, कोरोनाचा प्रबंध !
