कोजागिरी

कधी नव्हे आज बाई

नवल मी हो पाहिले

ढगाआड होते लपलेले

चंद्र खुदकन नभी हसले

हरणांच्या गाडीवर आज

चंद्रासवे चांदणी आरुढ

लख्ख चांदण्या रात्रीला

गाईले कोजागिरीचे भारुड

हसतांना त्याचा गाली

दिसली मज गोड खळी

चांदणी होती सोबतीला

दोघे बसले तरुतळी

चंद्र किरणांचा संगतीने

बहिण लक्ष्मी आली दारी

दिले शुभ आशीर्वाद 

जे जागृत होते नर-नारी

केशर शर्करादुग्धात न्हाले

शरदपौर्णिमा चंद्र किरण

क्षीर भासे अमृत द्रोणी

आनंदे प्राशिती सारे जण

धन धान्याची समृद्धी

लेऊन उभ्या दशदिशा

हिच सर्व बंधु भगिनींना

कोजागिरीच्या शुभेच्छा!