अमृतमहोत्सव स्वातंत्र्याचा

आला उत्सव स्वातंत्र्याचा

अमृत महोत्सवी वर्षाचा

घरोघरी फडकवू तिरंगा

संदेश पसरवू  एकतेचा

देशप्रेमाची ज्योत पेटवू 

गाऊन गाथा बलिदानाचा

वंदे मातरम् देऊन नारा

जनमनात जागवू स्मृती शहीदांचा

केशरी पांढरा अन् हिरवा

जगावेगळा तिरंगा आमुचा

श्वेतभागी अशोकचक्र विराजे

जाणीव करी ते कालचक्राचा

केशरी रंग शिकवी त्याग 

श्वेत सत्य शांती पावित्र्याचा

समृद्ध राष्ट्रनिष्ठा शिकवी हिरवा

प्राणाहुन प्रिय तिरंगा भारतभूचा

चंद्र सूर्य असेतो राखू

आम्ही गौरव भारतमातेचा

वक्र दृष्टीने पाहता शत्रू

घोट घेऊ त्या रक्ताचा !

शपथ घेतो तव रक्षणाची

करीतो अभिषेक हा रक्ताचा

फडकत ठेवू उंच आभाळी

प्राणपणे तिरंगा स्वातंत्र्याचा