कळी
कळी
झाडावरची ती कळी हळूहळू उमलली
रूप घेऊन फुलाचे ती जग जिंकाया निघाली
तिचा डौलदार बांधा तिचा सुगंध निराळा
गर्व न करता तिने तो इतरांस अर्पिला
तिच्याजवळ होते वातावरण प्रफुल्लित करण्याचे यंत्र
आपल्या सुगंधाने तिने साऱ्यांनाच केले मोहित
वेळ आली जेव्हा तिची कोमेजण्याची
हसत हसत जगाचा निरोप घेण्याची
खंत न करता झाडावरून गळून पडली
आईच्या कुशीतच तिची प्राणज्योत मालवली
माहित होतं तिला,
जीवन म्हणजे नाही फक्त फुलणं आणि कोमेजणं
त्या दोहोंच्यामध्ये जे असतं तेच खरं जगणं