किर्तीसुगंध
किर्तीसुगंध
मिळतो आपणास एकदाच
सुंदर असा जन्म मानवाचा
सद्विचारांची धरुनी कास
फुलवू मळा जीवनी प्रेमाचा
दैवी वरदान असे हे जीवन
सत्कार्याला लावू प्रत्येक क्षण
वाणी आपली असावी नम्र
दुखू नये कधी कोणाचे मन
सहकार्याला असावा हात पुढे
दुःखी पीडितांना मदत करावी
आपल्या छोट्या छोट्या कार्यातून
प्रतिमा आपली उजळत जावी
आस्वाद जीवनाचा घ्यावा असा
नाव आपले सर्वांमुखी असावे
जेव्हा जेव्हा घडतील स्तकर्मे जगी
लोकांनी आपले नाम स्मरावे
मार्ग अंगीकारावा सत्याचा नेहमी
दुर्गुणांचा नको स्पर्शही मनास
निसर्गाविषयी असावे प्रेम हृदयी
हातभार सदा पर्यावरण विकासास
निर्मळ, निरागस फुलांसारखे जीवन
सर्वांना सुगंधित करीत जावे
कार्य भूतलावरील संपले जरी
सुगंधित आठवणीत मनामनात राहावे