असा एकदा पाऊस यावा

असा एकदा पाऊस यावा

धरतीचा सुगंध रोमारोमात भरावा

पानाफुलातून पाणी ठिपकावे

असंख्य मोती जणू नभाने उधळावे

थेंबाथेंबातून कारंजे दिसावे

इंद्रधनूचे रंग नभी खुलावे

वृक्षवल्लीनी बहरून यावे

वनी मयुराने धुंद नाचावे

वसुंधरेने हिरवा शालू पांघरावा

नवीन पालविचा साज झाडांवर दिसावा

नदीनाल्यानी काठोकाठ भरावे

बळीराजाने मनी सुखवावे

शेतपिकांनी मजेत डूलावे

श्रावण झुल्यावर मस्त झुलावे

सुंदर फुले बगिच्यात उमलावी

धरती नववधु सम सजावी

कोकिळेला नवा सूर गवसावा

नवीन गीताचा आस्वाद लुटावा

सर्वत्र आनंदी उल्हास असावा

असा एकदा पाऊस यावा