विचारांची सकारात्मकता

जीवनात मानवाच्या

सकारात्मकता हवी

येवो प्रसंग कठीण

मिळे सदा दिशा नवी

कार्य करण्यास ऊर्जा

देती प्रगल्भ विचार 

सकारात्मकता मनी

होती स्वप्नेही साकार

जीवनात नित्य येती

चढ उतार आपल्या

यश मिळविण्यासाठी

ठेवा भावना चांगल्या

खात्री बाळगा यशाची

कार्य करा उत्साहाने

राग,लोभ,द्वेष,ईर्षा

सारे जिंकावे प्रेमाने

शुद्ध विचार मनात

खुली द्वारे प्रगतीची

नाती जपता मनाने

नांदी होई समृद्धीची

देण्या स्वप्नांना भरारी

मुक्त विचार स्वीकारा

अंधश्रद्धा नको मनी

विज्ञानाची कास धरा