सार्थक दिवाळीचे

सण वर्षाचा असे दिवाळी

करू साजरा नव्या उत्साहाने

नेऊ उजेड गरिबांच्या झोपडीत

दिप उजळू मनाच्या प्रकाशाने

गोड भावनांचा फराळ न्यारा

रंजल्या गांजल्या व्यक्तींना देऊ

सद्विचार,सहकार्याचा एक दिवा

त्यांच्या जीवनी झगमगत ठेवू

उजळेल त्यांचे जीवन सारे

ज्ञानाची अशी ज्योत लावू

त्यांच्या पंगतीत बसून आम्ही

दिवाळीचा गोड फराळ खाऊ

फटाके,नवी वस्त्रे, अनाठायी खर्च

सर्वकाही यावर्षी वर्ज्य करूया

संकल्प करून नव्या विचारांचा

माणुसकीची दिवाळी खरी साकारूया

खुलती चेहरे जेव्हा गरिबांचे

मिळती आशिष लाखमोलाचे

येईल बहर तेव्हा शुद्ध विचारांना

सार्थक होईल दिवाळी सणाचे