खरी कमाई

आयुष्य जाते धावण्यात संपत्तीच्या मागे

कितीही कमावले तरी भूक ना भागे

संपत्ती वाढली की गरजही वाढत जाते

हया जीवनचक्राला काही अंतच नसे

वैभव कमावणे ह्यात काहीच गैर नाही

पण त्यापाई समाधान गमावले हे ध्यानीही येत नाही

कायम तुलना करत राहतो आपण सर्वांसोबत

अजून धावतो सर्वश्रेष्ठ बनण्याचे ध्येय बाळगत

ह्यातले काही सोबत नेता येत नाही अंतिम समयी

त्यामुळे आहे त्यातच आनंद माना हिच खरी कमाई